Кипар доживува невиден пад на цените на зеленчукот. Ова ги прави производителите нервозни за пост-велигденската ситуација.
Според нив, цената на зеленчукот може да се намали уште повеќе, имајќи предвид дека рестораните не работат со полн капацитет, а хотелите се затворени поради ограничувања поврзани со коронавирусот.
„Сега има прекумерна понуда на основни земјоделски производи, а куповната моќ на потрошувачите значително опадна заради пандемијата“, велат земјоделците.
Потрошувачите трошат сè помалку дури и на секојдневно купување намирници, а заедно со вкочанетоста на пазарот, цените паднаа на навистина ниски нивоа.
Всушност, многу производи сега се достапни за помалку од 1 евро за килограм. Ова значи дека уште помалку пари одат во џебовите на производителите.
Особено, доматите и краставиците се продаваат по 80 центи за килограм, компири со 40 центи, зелена салата со 50 центи и брокула со 60 центи за килограм.