Единствена инсталација со црвена, сина и ултравиолетова светлина е поставена на поле со праз во Холандија, што е истовремено уметничка инсталација и алатка што помага да се забрза растот на посевите, пренесува Колосал.
Инсталацијата е создадена од холандскиот уметник и дизајнер Даан Рузгард од Ротердам и неговото Студио Рузгард. Инсталацијата зафаќа површина од 20 илјади квадратни метри и е незаборавна глетка во мракот.
Според земјоделците, ваквото осветлување го забрзува растот на растенијата и ја преполовува употребата на пестициди. Проектот „Гроу“ со употреба на фитобиолошки технологии му одзеде на Рузгард околу две години.